සඳක් වෙන්වී යාද...

සඳක් වෙන්වී යාද
ලබැඳි හද නිලඹරෙන්
තරු පහන් නොනිවේය
සඳ කැළුම් ලතාවෙන්
හද පතුම් නොබැඳේද
සොයුරු සඳ නාමයෙන්
හැඟුම්බර පන්හිඳක
සැමරුම් තබන්නම්...

ලස්සන හීනය

සේද සුදෝ සුදු සළුවෙන් විසිතුරු
රෑ අහසේ දම් පාටින් වැඩ දැමු
මොණර පිළක් ගෙන පැහැයෙන් සැරසූ
ලස්සන හීනය යලි නොපෙනෙවා...
යනෙන තුරා සන්සාරේ..

ඉර හඳ නැති ලොව එළිය කරන්නට
දෑසක නලියන කඳුලු පිසින්නට
මගෙ සුබ හීනය ඔබට දකින්නට
හැම අද දවසම ලස්සන වෙවා...
නිමවෙවා සන්සාරේ..

නොකළ අරයුම...

සසර මගේ පුරුදු ලෙසට යලිඳු හද       බැඳී
බිනර මහේ මිහිරි දිනක අසිරි සර         විඳී
සුසර ඔබේ අසිරි පවන් නිබඳ හද          රැඳී
මිහිර ගෙනේ දසුන ඔබේ සොඳුරු දින    සැදී