දෙවස් සැමරුම

අඳුර බිඳ එළිය සොයනා මංපෙතේ
තනිව දුක් විඳ උගෙන ජයගත් දිනේ
මට ලැබුනු තුටු පඬුර
නුඹයි නුඹෙ සෙනෙහසයි...

දෙවසක් උනත් හමුව දිවි මංපෙතේ
සසරක් එක්ව සිටියා සේ දැනේ
මට උරුම නිමල සුව
නුඹයි නුඹෙ සෙනෙහසයි...

සුපෙම් සිහිනය

සමන් ගිර දෙසින් එන සීත නල රැල් වගේ
ලබන්නට නුඹෙ සිසිල මහද පින් කොට තිබේ...
සඳුන් හර පෙළා එන මිහිරි සුවඳක් වගේ
දුක් ගැහැට විඳ තනමු සුපෙම් සිහිනය අපේ...

සතුට

ගහ කොළටත් දැනෙන සතුට
මිනිස්සුන්ට නොදැනෙන හැටි
ඉර බහිනා හැන්දෑවක
ලා රතු පාටින් අහසේ
ලියා තියන්නට ඇත්නම්
සතුට නමැති පරම ධනය
අතහැර හැල්මේ දිවයන
පුහුදුන් මිනිසුන් වෙනුවෙන්...

ඈත

නුඹ ඈත
මම ඈත
ඒ වුනත් නුඹ මගේ සිත ගාව
රළ වගේ වෙරළත සිඹින